Konkursi DUKËTALKS, i organizuar nga shtëpia botuese “Dukagjini” në partneritet me “Pearson”, përfundoi me sukses më 23 prill, duke mbledhur qindra nxënës nga e gjithë Kosova për të shfaqur kreativitetin dhe aftësitë e tyre në gjuhën angleze përmes videove. Ky edicion i parë synon të bëhet një traditë vjetore që promovon mësimin kreativ të gjuhës angleze dhe vlerëson përkushtimin e nxënësve dhe mësimdhënësve në zhvillimin akademik. Ceremonia e ndarjes së çmimeve do të mbahet më 25 maj 2026 në Qendrën e Zhvillimit “Agim Lluka” në Prishtinë, ku do të shpallen fituesit dhe të gjithë pjesëmarrësit do të nderohen me mirënjohje. Në këtë event pritet të jenë të pranishëm nxënës, mësimdhënës, prindër dhe përfaqësues të institucioneve arsimore, ndërsa DUKËTALKS synon të vazhdojë si një platformë që inkurajon zhvillimin e aftësive komunikuese dhe kreative në gjuhën angleze për brezat e rinj.