Nxënësit nga Kosova kanë arritur rezultate të shkëlqyera në finalen e garës ndërkombëtare NEO Science Olympiad 2026, e mbajtur në Shtetet e Bashkuara të Amerikës. Katër nxënës kosovarë u vlerësuan me çmimet prestigjioze “Best of the Best” në fusha të ndryshme të shkencës dhe inovacionit, duke marrë medalje të arta për performancën e tyre të jashtëzakonshme. Mes tyre janë Kaon Emerllahu nga Fushë Kosova, Vesa Kiçmari dhe Almir Kurtulaj nga Prishtina, si dhe Dion Gashi nga Suhareka, të cilët spikaten në kategoritë Shkencë, AI Prompt Challenge dhe Do It Yourself Challenge. Ky sukses tregon potencialin e lartë akademik të nxënësve kosovarë dhe përfaqësimin dinjitoz të vendit në arenën ndërkombëtare të shkencës dhe inovacionit.