Sonte në sheshin “Fehmi dhe Xhevë Lladrovci” në Drenas do të vendoset “Ora e Pritjes”, një ekran që do të bëjë numërimin mbrapa në pritje të drejtësisë dhe lirisë për ish-krerët e UÇK-së në Hagë. Ky aktivitet organizohet nga platforma “Liria ka emër” dhe është pjesë e një iniciative që tashmë ka përfshirë shumë qytete të Kosovës. Kryetari i komunës, Ramiz Lladrovci, ka ftuar familjarët e dëshmorëve, veteranët, invalidët, asamblistët, organizatat joqeveritare dhe qytetarët të marrin pjesë në këtë ngjarje simbolike. “Ora e Pritjes” synon të shprehë mbështetjen dhe shpresën për drejtësi dhe liri për Hashim Thaçin, Kadri Veselin, Jakup Krasniqin dhe Rexhep Selimin.