Kryeministri Edi Rama ka ndarë në rrjetet sociale pamje nga restaurimi i Pallatit të Kulturës Vaçe Zela në Lushnjë, i cili është rikonstruktuar së fundmi dhe ka marrë një pamje të rilindur. Ky institucion, që mban emrin e ikonës së muzikës shqiptare Vaçe Zela, tashmë ofron kushte dinjitoze për zhvillimin e aktiviteteve artistike dhe kulturore në qytet. Restaurimi synon përmirësimin e infrastrukturës kulturore dhe krijimin e hapësirave më të përshtatshme për komunitetin dhe artistët vendas. Në postimin e tij në Facebook, Rama uroi qytetarët për një javë të mbarë, duke theksuar rëndësinë e këtij investimi për jetën kulturore të Lushnjës.