Kryeministri në detyrë i Kosovës, Albin Kurti, së bashku me ministren në detyrë të Kulturës dhe Turizmit, Saranda Bogujevci, dhe deputetin Nezir Kraki, vizituan Panairin e Librit “Prishtina 2026” që po mbahet në Prishtinë. Ky panair organizohet për të 26-in vit nga Shoqata e Botuesve të Kosovës në bashkëpunim me institucionet kulturore dhe ka mbledhur rreth 100 botues shqiptarë. Në edicionin e sivjetmë janë prezantuar rreth 2 mijë tituj të rinj, ndërsa gjatë ditëve të panairit janë planifikuar mbi 40 aktivitete, përfshirë promovime librash dhe diskutime me autorë. Panairi, i hapur më 17 qershor, do të qëndrojë i hapur deri më 21 qershor, duke ofruar mundësi të shumta për lexuesit që të njohin botimet më të reja dhe të përfshihen në ngjarje kulturore.