Komuna e Kamenicës organizon Panairin e Prodhimeve Vendore si pjesë e aktiviteteve të “Kamenica Summer Fest 2026”, i cili do të zhvillohet për dy net radhazi duke filluar nga nesër. Panairi hapet çdo mbrëmje në orën 19:00 dhe do të mbledhë prodhues vendorë, artizanë dhe krijues në një hapësirë të përbashkët për të prezantuar produktet dhe punimet e tyre. Qëllimi kryesor i këtij aktiviteti është promovimi i prodhimeve lokale, traditës dhe potencialit ekonomik të zonës, duke ofruar mundësi për qytetarët dhe vizitorët të njohin më nga afër cilësinë e produkteve vendore. Komuna ka bërë thirrje që qytetarët, bashkatdhetarët dhe mysafirët e festivalit të vizitojnë panairin dhe të mbështesin prodhuesit vendorë, duke kontribuar kështu në zhvillimin e komunitetit lokal.