Papa Leo XIV ka theksuar se doktrina e Kishës mbi homoseksualët dhe transgjinorët nuk do të ndryshojë në të ardhmen e afërt. Në një intervistë të publikuar në biografinë e tij, ai shpjegoi se çështjet që lidhen me realitetin LGBTQ janë shumë polarizuese brenda Kishës dhe për këtë arsye ai përpiqet të mos nxisë ndarje mes besimtarëve. Papa theksoi se të gjithë janë të mirëpritur në Kishë si bij të Zotit, pa u fokusuar në identitetin specifik të tyre. Ai gjithashtu nënvizoi se ndryshimi i qëndrimeve personale është i nevojshëm para se të mendohet për ndryshime në mësimet e Kishës.