Më 26 maj në Librarinë Dukagjini në Prishtinë do të mbahet promovimi i romanit të parë të autores Blerta Aliu Ahmeti, “Pasqyra e Fundit”. Ky roman bashkëkohor ndërthur histori personale, kujtime të trashëguara dhe kërkimin e identitetit përmes simbolikës së pasqyrës, duke ftuar lexuesin në një reflektim të thellë mbi vetveten dhe kohën. Autorja, e cila ka një sfond akademik në menaxhment dhe informatikë dhe është e angazhuar në fusha të ndryshme shoqërore, sjell një rrëfim emocional dhe me ritëm filmik që trajton tema si identiteti, kujtesa, humbja dhe lufta. Promovimi synon të bashkojë dashamirësit e letërsisë për të përjetuar së bashku këtë vepër që sfidon kufijtë e kohës dhe hap një dialog të ri mbi njeriun dhe shpresën.