Pianisti i njohur polak Pawel Kowalski performoi në Prishtinë një recital të veçantë që bashkoi muzikën romantike klasike, veprat e Chopin dhe Paderewskit, si dhe muzikën filmike polake. Koncerti, organizuar nga Filharmonia e Kosovës, përfshiu kompozime të njohura si “Grande Polonaise” dhe “Nokturn në Fis-dur” të Chopin, si dhe muzikë nga filmat e regjisorit Roman Polański dhe të tjerë, duke krijuar një urë mes traditës dhe kulturës moderne audiovizuale. Kowalski theksoi rëndësinë e këtyre kompozitorëve për identitetin muzikor polak dhe vlerësoi bashkëpunimet e tij me artistë të njohur si Jerzy Maksymiuk. Pianistja Pranvera Hoxha vlerësoi recitalin si një ngjarje të rëndësishme për skenën muzikore vendore dhe theksoi veçanërisht interpretimin delikat të mazurkave të Chopin.