Në finalen e madhe të Eurovisionit, Shqipëria u paraqit e pesta në skenë me artistin Alis dhe këngën e tij "Nân". BBC vlerësoi performancën si emocionuese, duke theksuar se ajo tregon një histori personale dhe të thellë, atë të një nëne që pret kthimin e fëmijës së saj në shtëpi. Kjo histori lidhet ngushtë me realitetin shqiptar, ku pas rënies së komunizmit në 1991, rreth 40% e popullsisë ka emigruar. Kënga dhe interpretimi i Alisit kanë sjellë në skenë një mesazh të fuqishëm dhe prekës për publikun ndërkombëtar.