Në fshatin Sojevë të Ferizajt është përuruar shtatorja e dëshmorit Zejnullah Zejna, një hero i rënë në betejat e luftës së vitit 1999. Ceremoninë e përurimit e përcolli ministri në detyrë i Mbrojtjes, Ejup Maqedonci, i cili theksoi sakrificën e Zejnës, i cili nga mërgimi u kthye në vijat e frontit dhe ra heroikisht në malet e Pashtrikut më 3 qershor 1999. Përmendorja simbolizon guximin, atdhedashurinë dhe përkushtimin e dëshmorit dhe do të mbetet një dëshmi e përhershme e historisë së kombit. Ky akt nderimi shërben si një kujtesë e lavdisë së të gjithë dëshmorëve që dhanë jetën për lirinë.