Një episod i dokumentarit të BBC One, “Fake or Fortune?”, ka konfirmuar se një pikturë e panjohur prej vitesh është krijuar nga artistes skoceze Katherine Read, një emër i rëndësishëm i historisë së artit të shekullit XVIII. Vepra, që paraqet portretin e një gruaje të re indiane të stolisur me perla dhe smerald, i përkiste Mary-Louise Wedderburn, e cila e trashëgoi atë nga xhaxhai i saj. Ekspertët dhe studiuesit nga Dundee dhe Chennai bashkëpunuan për të përcaktuar autorësinë dhe identitetin e gruas, duke konfirmuar se ajo ishte bashkëshortja e një nawabi indian. Ky zbulim rikthen në vëmendje kontributin e Katherine Read, e cila dikur tarifonte po aq sa piktorët më të njohur britanikë, por emri i saj ra në harresë me kalimin e kohës.