Ministrja në detyrë e Kulturës dhe Turizmit, Saranda Bogujevci, ka njoftuar miratimin e Planit të Menaxhimit për Qendrën Historike të Janjevës, një hap ky i rëndësishëm për ruajtjen dhe zhvillimin e qëndrueshëm të kësaj zone me vlera kulturo-historike. Ky dokument përcakton mekanizmat dhe masat për mbrojtjen e trashëgimisë historike, arkitektonike dhe peizazhit kulturor, duke siguruar që këto vlera të mbeten pjesë aktive e jetës së komunitetit dhe një shtyllë e zhvillimit lokal. Bogujevci thekson se Janjeva përfaqëson një trashëgimi të pasur historike dhe identitare, dhe ky plan krijon bazën për mirëmbajtjen dhe aktivizimin e qëndrueshëm të saj, duke nxitur turizmin kulturor në harmoni me ruajtjen e vlerave. Vendimi konsiderohet një arritje e rëndësishme në procesin e rijetësimit të zonës historike të Janjevës.