Mbi 2000 qytetarë u mblodhën në sheshin “Zahir Pajaziti” në Podujevë për të festuar Ditën e Çlirimit të Kosovës me një koncert të veçantë kushtuar lirisë dhe dëshmorëve të vendit. Në program u interpretuan këngë patriotike dhe homazhe për heronjtë e luftës, duke përfshirë këngë për Adem Demaçin, Zahir Pajazizin, Skënderbeun dhe Adem Jasharin, të interpretuara nga artistë të njohur si Shkodran Tolaj, Besiana Mehmedi dhe Irma Libohova. Kryetari i Komunës, Shpejtim Bulliqi, theksoi rëndësinë e ruajtjes së lirisë si amanet të brezave, ndërsa koncerti u organizua nën patronatin e komunës dhe me konceptim artistik nga Shkodran Tolaj. Programi dy e gjysmë orësh, i pasuruar edhe nga ansambli “Flaka e Llapit” dhe këngëtari Selajdin Miftari, u prit me entuziazëm nga spektatorët dhe u konsiderua një sukses i rëndësishëm për promovimin e kulturës në Podujevë.