Prishtina po përgatitet të jetojë tri netë të mbushura me muzikë dhe energji gjatë Sunny Hill Festival, që do të zhvillohet më 31 korrik, 1 dhe 2 gusht. Përmes një videoje të publikuar në rrjetet sociale, festivali ka treguar atmosferën unike dhe gjallërinë që krijohet kur mijëra njerëz nga e gjithë bota mblidhen në kryeqytet për të festuar muzikën. Edicionet e kaluara kanë sjellë artistë të njohur ndërkombëtarë dhe kanë kthyer Prishtinën në një pikëtakim kulturash dhe emocionesh të paharrueshme. Me afrimin e edicionit të ri, pritshmëritë janë të mëdha që muzika do të ndihet në çdo cep të qytetit, duke ndezur një atmosferë të veçantë për të gjithë vizitorët dhe banorët.