Prizreni do të presë edicionin e katërt të “Prizren Rock n Blues Fest” më 3, 4 dhe 5 korrik, me një program më të pasur dhe plot surpriza për adhuruesit e muzikës rock. Festivali do të ketë një koncept të veçantë artistik, duke bashkuar legjendat botërore të rock-ut me emrat më të njohur shqiptarë të viteve ’80. Organizatorët kanë paralajmëruar dy skena gjigante dhe tre mbrëmje të mbushura me muzikë, duke e konfirmuar Prizrenin si kryeqendrën e rock n roll-it në rajon. Ky event pritet të tërheqë artistë dhe vizitorë nga vende të ndryshme, duke rikthyer atmosferën unike të muzikës rock në qytet.