Më 16 korrik në orën 18:00, Libraria Dukagjini organizon promovimin e librit të ri me poezi “Grue prej zjermi” nga Donika Dabishevci, një poezi që vendos në qendër dashurinë, gruan dhe lirinë. Ky libër përshkruan gruan si simbol të qëndresës dhe fuqisë shpirtërore, duke u bërë një udhëtim përmes ndjenjave dhe përvojave njerëzore. Në këtë takim letrar, autoreja do të bashkëbisedojë me kritikun letrar Ag Apolloni, duke sjellë reflektime mbi poezinë bashkëkohore dhe rolin e letërsisë në shoqëri. Donika Dabishevci është një nga zërat më të veçantë të poezisë shqipe, me një karrierë të vlerësuar dhe librin e saj të mëparshëm të shpërblyer nga Ministria e Kulturës së Kosovës.