Posta e Kosovës organizoi ceremoninë e lansimit të një pullë postare kushtuar 250-vjetorit të Pavarësisë së Shteteve të Bashkuara të Amerikës, në praninë e përfaqësuesve institucionalë dhe diplomatikë. Kryeshefja ekzekutive Nora Rraci theksoi se pulla postare është më shumë se një objekt filatelik; ajo përçon histori, lidh njerëz dhe ruan kujtesën historike ndër breza. Kryeministri Albin Kurti e konsideroi këtë pullë si një simbol të miqësisë dhe partneritetit të fortë ndërmjet Kosovës dhe SHBA-së, duke vlerësuar mbështetjen e vazhdueshme amerikane në proceset shtetndërtuese dhe demokratike të Kosovës. Në emër të Ambasadës së SHBA-së, zëvendësshefja Anu Prattipati falënderoi Postën e Kosovës për këtë nismë, duke e cilësuar atë një nder dhe një mesazh të përhershëm të bashkëpunimit dhe lirisë mes dy vendeve.