Nesër në Rahovec nis Hardh Fest 2026, festivali më i madh i vjeljes së rrushit në Kosovë, që do të zgjasë deri më 6 shtator. Hapja e festivalit do të shoqërohet me Karnavalin e Vreshtarëve dhe prerjen ceremoniale të kalaveshit të parë të rrushit, duke shënuar fillimin zyrtar të sezonit të vjeljes. Gjatë tre ditëve, vizitorët do të kenë mundësi të ndjekin gara tradicionale, koncerte me artistë të njohur si Modern Talking, Era Istrefi dhe Naser Berisha, si dhe aktivitete të ndryshme kulturore dhe turistike. Hardh Fest 2026 promovon Rahovecin si qendër të verës dhe mikpritjes, duke bashkuar komunitetin lokal me miq nga diaspora dhe rajoni, nën patronatin e kryetarit të komunës dhe me mbështetjen e institucioneve dhe sponsorëve lokalë.