Në Prizren vijojnë punimet për restaurimin dhe konservimin e shkollës së vjetër “Ryzhdije”, një ndër objektet më të rëndësishme për trashëgiminë kulturore të qytetit. Kjo shkollë, e ndërtuar në vitin 1896, ka kaluar periudha të gjata dëmtimi dhe braktisjeje, por tani po rikthehet në gjendjen e saj origjinale falë ndërhyrjeve të financuara nga Ministria e Kulturës. Ministrja në detyrë e Kulturës dhe Turizmit, Saranda Bogujevci, ka bërë të ditur përmes një postimi në Facebook se ky projekt është pjesë e përpjekjeve për të ruajtur dhe rikthyer ndërtesat historike që dëshmojnë historinë e Prizrenit. Restaurimi i shkollës “Ryzhdije” përbën një hap të rëndësishëm në mbrojtjen e trashëgimisë kulturore dhe identitetit të qytetit.