Pas 15 vitesh nga suksesi i serialit të famshëm “Sulejmani i Madhërishëm”, aktorët Halit Ergenç dhe Meryem Uzerli do të bashkëpunojnë sërish në një projekt kinematografik të ri me titull “Imrozda Bahar” nën regjinë e Özcan Alper. Ky rikthim i dyshes së njohur ka ngjallur shumë interes dhe reagime pozitive në rrjetet sociale, ku fansat e tyre e konsiderojnë këtë bashkëpunim si një garanci suksesi. Halit Ergenç ka shprehur entuziazmin për punën e përbashkët me Meryem Uzerli, duke theksuar kënaqësinë që i ka dhënë ky projekt. Detajet e mëtejshme për historinë e filmit, kastin dhe datën e premierës pritet të bëhen publike së shpejti përmes mediave të specializuara në Turqi.