Në kuadër të Panairit të Librit Prishtina 2026 u promovua libri biografik “Unë jam Majlinda Kelmendi”, që sjell rrugëtimin e kampiones olimpike të Kosovës nga fillimet deri te triumfet ndërkombëtare. Libri, i shkruar nga Teuta Berisha dhe ilustruar nga Ylber Cërvadiku, është përshtatur për fëmijë dhe synon të frymëzojë brezat e rinj duke treguar sfidat, sakrificat dhe përkushtimin e sportistes. Majlinda Kelmendi, e cila ishte e pranishme në promovim, theksoi se historia e saj dëshmon se edhe nga një vend i vogël mund të arrihen sukseset më të mëdha në sport. Përmes këtij botimi, ajo synon të motivojë të rinjtë që të besojnë në vetvete dhe të qëndrojnë besnike ndaj Kosovës, pavarësisht vështirësive.