Radio Televizioni Shqiptar ka hapur aplikimet për edicionin e 65-të të Festivalit të Këngës, që do të zhvillohet në dhjetor. Krijuesit, kompozitorët dhe interpretuesit shqiptarë brenda vendit, Kosovës dhe diasporës janë ftuar të paraqesin këngët e tyre origjinale dhe të papublikuara më parë. Një rregullore e re ndalon përdorimin e Inteligjencës Artificiale në realizimin e këngëve, duke synuar një garë të drejtë dhe të bazuar vetëm në talentin e artistëve. Aplikimet do të pranohen online nga 22 deri më 27 shtator, ndërsa organizatorët nxisin artistët të njihen me rregullat për të shmangur skualifikimet.