Libri studimor i profesor Haki Hysenajt "Ndryshimi i varietetit gjuhësor: rasti i së folmes së Rugovës" trajton procesin e ndryshimeve gjuhësore që kanë ndodhur te komuniteti rugovas pas migrimit masiv drejt Pejës dhe rrethinës së saj. Studimi tregon se kontakti i vazhdueshëm me varietetin lokal dhe ndikimi i gjuhës standarde kanë shkaktuar një riformësim gradual të rugovishtes, ku brezi i mesëm shfaq një pozicion tranzicional ndërmjet varietetit të origjinës dhe atij të mjedisit pritës, ndërsa brezi i vjetër përpiqet të ruajë tiparet tradicionale si shenjë identitare.