Sindikata e Bashkuar e Arsimit, Shkencës dhe Kulturës së Kosovës (SBAShK) ka uruar Ditën e Mësuesit më 7 Mars, duke theksuar rëndësinë e rolit të mësuesve në formimin e brezave dhe zhvillimin e arsimit shqip. Në një komunikatë për media, SBAShK-u ka vlerësuar përpjekjet e mësimdhënësve, duke kujtuar edhe ata që punuan në kushte të vështira historike, përfshirë mësuesin dhe dëshmorin Shaban Jashari. Sindikata ka shprehur respekt të lartë për punën e mësuesve dhe ka theksuar se do të vazhdojë përpjekjet për realizimin e kërkesave të tyre dhe përmirësimin e cilësisë së arsimit në Kosovë. SBAShK-u ka bërë thirrje që kjo ditë të shërbejë si motivim për institucionet që të angazhohen më shumë në shërbim të arsimit dhe të plotësojnë kërkesat legjitime të mësuesve.