Matt Groening, krijuesi i serialit “The Simpsons”, ka sqaruar se pse disa episode të serialit duket sikur kanë parashikuar ngjarje të rëndësishme të së ardhmes. Ai shpjegon se nuk ka aftësi profetike, por thjesht një numër shumë i madh idesh dhe shakash që janë krijuar gjatë dekadave, duke bërë që disa prej tyre të përkojnë me realitetin. Një nga shembujt më të njohur është episodi ku përmendet Donald Trump si president, i cili u transmetua shumë vite para se ai të fitonte zgjedhjet në 2016. Groening thekson se shumë shaka të tjera që nuk u realizuan harrohen, ndërsa ato që përputhen me ngjarjet marrin vëmendje të madhe. Kjo shpjegon pse “The Simpsons” duket sikur “parashikojnë” të ardhmen, ndërsa në fakt është një përmbledhje e ideve të ndryshme dhe një reflektim i kohës dhe shoqërisë.