Këngëtarja e njohur shqiptare Shkurte Fejza do të marrë pjesë në premierën e filmit “The Journalist’s Mission”, që trajton luftën e Kosovës, e cila do të mbahet më 24 shtator 2026 në New York City. Ajo është përfshirë në këtë projekt jo vetëm si pjesë e kolonës zanore me një nga këngët e saj, por edhe do të performojë live gjatë eventit. Regjisori Fahri Krasniqi i dorëzoi ftesën zyrtare në zyrat e kompanisë Kras Production, duke e bërë këtë ngjarje një moment të rëndësishëm për kulturën dhe kinematografinë shqiptare në Shtetet e Bashkuara. Filmi përçon një mesazh mirënjohjeje për mbështetjen amerikane ndaj Kosovës, ndërsa në premierë priten të marrin pjesë figura të njohura nga bota e artit dhe politika.