Ekspertët paralajmërojnë se efektet negative të konsumimit të tepruar të alkoolit nuk përfundojnë me largimin e dehjes, por vazhdojnë edhe gjatë ditës së nesërme. Një studim i Universitetit British Columbia ka zbuluar se dhimbjet e kokës dhe lodhja pas një nate me alkool shkaktojnë ulje të aktivitetit elektrik në tru. Kjo ulje ndikon në funksionet e të mësuarit dhe vendimmarrjes, duke dëmtuar përkohësisht aftësitë kognitive. Reagimi i trurit në këtë gjendje është i ngjashëm me atë që ndodh pas një goditjeje në tru, duke theksuar rëndësinë e kujdesit ndaj konsumit të alkoolit.