Street Party Prishtina kthehet këtë verë me edicionin e shtatë, duke ofruar një atmosferë unike dhe energji të papërshkrueshme për adhuruesit e muzikës urbane në kryeqytet. Ngjarja do të zhvillohet më 8 gusht në rrugën "Fehmi Agani" – Kafet e Vogla, ku për 10 orë pa ndërprerje publiku do të shijojë performanca nga artistë vendorë, rajonalë dhe ndërkombëtarë si Jetoni, Luk, Neritani, Adriani, Labaresha dhe Luna Skye. Përveç muzikës, do të ketë edhe aktivitete artistike dhe kreative gjatë gjithë ditës, ndërsa hyrja në event është falas. Organizuar nga NXT LVL Events & Entertainment me mbështetjen e Komunës së Prishtinës dhe partnerëve të ndryshëm, kjo ngjarje premton të jetë një festë e madhe urbane që bashkon komunitetin dhe kulturën lokale.