Entuziazmi për edicionin e sivjetmë të Sunny Hill Festival është në kulmin e tij, pasi 90 për qind e biletave tashmë janë shitur. Me vetëm gjashtë ditë para nisjes së festivalit, kanë mbetur në dispozicion vetëm 10 për qind të biletave, duke sinjalizuar se ngjarja është shumë pranë statusit “sold out”. Organizatorët kanë bërë thirrje për ata që nuk kanë siguruar ende biletën, të nxitojnë, pasi numri i biletave të mbetura është shumë i kufizuar. Programi i festivalit përfshin emra të njohur si Katy Perry, Lewis Capaldi dhe Martin Garrix, duke garantuar një përvojë të jashtëzakonshme për publikun vendas dhe ndërkombëtar.