Finalja e Eurovision 2026 zhvillohet sonte në Vjenë, ku 26 shtete garojnë për trofeun e këtij viti, ndërsa Shqipëria prezantohet nga Alis me këngën "Nan". Në kuadër të këtij eventi të madh muzikor, Telegrafi është një nga mediat zyrtare të akredituara që po merr pjesë në votimin për “The Media Award”, një nga tri çmimet speciale të njohura si Çmimet Marcel Bezencon. Ky çmim i jepet këngës më të mirë sipas vlerësimit të mediave nga e gjithë bota dhe konsiderohet një nga vlerësimet më të rëndësishme jashtë garës zyrtare. Përveç Çmimit të Medias, do të ndahen edhe “The Artistic Award” dhe “The Composer Award”, ndërsa ceremonia e ndarjes së çmimeve zhvillohet para nisjes së spektaklit final të Eurovision 2026, që këtë vit feston 70-vjetorin me moton “United by Music - in the Heart of Europe”.