Pas barazimit 2:2 të kombëtares së Japonisë ndaj Holandës në Kupën e Botës, tifozët japonezë dhanë sërish një shembull të jashtëzakonshëm duke pastruar tribunën ku qëndruan gjatë ndeshjes. Ata mblodhën të gjitha mbeturinat dhe përdorën qeset e mbushura me mbeturina për të festuar golin e barazimit të shënuar në minutën e 88-të nga Daichi Kamada. Kjo traditë e pastrimit të stadiumit është ruajtur që nga debutimi i Japonisë në Botëror në vitin 1998 dhe vazhdon të fitojë respekt në çdo event madhor. Në stadiumin e Dallasit, ku u zhvillua ndeshja, punëtorët e pastrimit kishin më pak punë për shkak të sjelljes së tifozëve japonezë, duke treguar një kulturë të lartë sportive dhe respekt për ambientin.