Universiteti UBT ka lansuar programin e parë në Kosovë për Muzikë Moderne, Produksion Digjital dhe Menaxhment, duke ofruar pesë specializime që përfshijnë Audio Produksion, Performancë Instrumentale, Performancë Vokale, Kompozim dhe Menaxhim në Muzikë. Ky program i dedikohet zhvillimit të aftësive praktike dhe krijuese, duke përgatitur studentët për role të ndryshme në industrinë muzikore, nga produksioni dhe interpretimi deri te menaxhimi i artistëve dhe organizimi i ngjarjeve. Përmes bashkëpunimit me industrinë dhe partnerë ndërkombëtarë, studentët fitojnë përvojë reale që i ndihmon të integrohen në tregun global të muzikës. Programi adreson gjithashtu transformimin e industrisë muzikore me fokus në teknologjinë dhe platformat digjitale, duke i pajisur studentët me njohuritë e nevojshme për të qenë pjesë aktive e këtij zhvillimi.