Universiteti Publik “Kadri Zeka” shënon 13-vjetorin e themelimit me një ceremoni solemne që do të mbahet në Gjilan, duke filluar nga ora 11:00. Gjatë këtij aktiviteti do të prezantohen arritjet kryesore të universitetit ndër vite, si dhe kontributi i tij në zhvillimin e arsimit të lartë dhe përgatitjen akademike e profesionale të studentëve. Në ngjarje do të marrin pjesë drejtues të universitetit, përfaqësues institucionalë, staf akademik dhe administrativ, studentë dhe mysafirë të ftuar. Universiteti fton të gjithë të interesuarit që t’i bashkohen për të festuar së bashku këtë përvjetor të rëndësishëm.