Në një ceremoni të veçantë në Prishtinë, alpinistet kosovare Uta Ibrahimi dhe Mrika Nikqi u nderuan me emetimin e pullave postare, si vlerësim për kontributin e tyre në promovimin e Kosovës në arenën ndërkombëtare. Ky nder i kushtohet alpinizmit kosovar dhe rolit të grave që përmes guximit dhe përkushtimit kanë ngritur imazhin e vendit. Ministrja e Ekonomisë, Artane Rizvanolli, dhe ministri i Kulturës, Rinisë dhe Sportit, theksuan rëndësinë e suksesit të tyre si frymëzim për të rinjtë dhe për angazhimin në aktivitete në natyrë. Gjatë ceremonisë, alpinistet ndanë përvojat dhe mesazhet motivuese për një stil jete aktiv, ndërsa kryeshefja e Postës së Kosovës, Nora Rraci, vlerësoi përfshirjen e tyre në filatelinë e vendit si një mënyrë për promovimin ndërkombëtar të Kosovës.