Një studim i ri i publikuar në revistën The Lancet tregon se vaksina kundër virusit papilloma njerëzor (HPV) ka ulur në zero numrin e vdekjeve nga kanceri i qafës së mitrës te gratë e reja të vaksinuara në Angli gjatë periudhës 2020-2024. Programi i vaksinimit, i nisur në vitin 2008 për vajzat e moshës shkollore, ka shpëtuar rreth 200 jetë deri më tani dhe ka ulur ndjeshëm rrezikun e vdekjes nga kjo sëmundje para moshës 30-vjeçare. Ekspertët e shëndetësisë e cilësojnë këtë arritje si një hap të jashtëzakonshëm në luftën kundër kancerit, por paralajmërojnë se normat e vaksinimit duhet të rriten për të arritur eliminimin e plotë të sëmundjes. Në Kosovë, vaksinimi kundër HPV është futur në kalendarin kombëtar të imunizimit që nga viti 2024, duke përfshirë edhe djemtë në grupmoshën 11-12 vjeç, për të forcuar mbrojtjen e brezave të ardhshëm.