Gërmimet arkeologjike në lokalitetin e Bostanit në Novobërdë kanë sjellë zbulime të rëndësishme që lidhen me periudhën e Mbretërisë Dardane. Ministrja e Kulturës, Saranda Bogujevci, ka bërë të ditur se janë identifikuar gjurmë të një muri rrethues, një kulle dhe një porte, duke konfirmuar ekzistencën e një vendbanimi të fortifikuar në këtë zonë. Materialet e zbuluara tregojnë rëndësinë e këtij lokaliteti gjatë periudhës klasike dhe helenistike, duke e renditur Bostanin ndër vendet kyçe për studimin e jetës dhe organizimit të vendbanimeve në Dardani. Këto të dhëna po ndihmojnë në kuptimin më të thellë të jetës, ekonomisë dhe strukturës së shoqërisë në kohën e Mbretërisë Dardane.