Ministri i Ekonomisë, Kulturës dhe Inovacionit, Blendi Gonxhja, ka njoftuar për përfundimin e gërmimeve arkeologjike në Parkun Arkeologjik të Amantias, ku janë zbuluar elementë të rëndësishëm të organizimit urbanistik dhe historisë së qytetit antik. Gërmimet, të kryera nga DRTK Vlorë dhe IKTK, kanë nxjerrë në dritë një godinë antike në zonën e agorasë dhe të dhëna të reja mbi fortifikimin e qytetit të poshtëm. Këto zbulime dëshmojnë vazhdimësinë e jetës dhe zhvillimit të Amantias nga shekulli III p.e.s. deri në shekullin VI e.s. Ministri thekson se kërkimet do të vazhdojnë me ndërhyrje restauruese për ruajtjen dhe promovimin e trashëgimisë kulturore.