Zeja tradicionale e punimit të djepave, e njohur edhe si zeja e zdrukthëtarëve djepapunues apo kutixhitë, po përballet me rrezikun e zhdukjes në Kosovë. Inspektorët e Trashëgimisë Kulturore, pas një vizite në Çarshinë e Gjakovës dhe takimit me zanatlinjtë, kanë konstatuar mungesën e regjistrit të praktikuesve dhe interesimin e ulët për vazhdimin e kësaj zeje, e cila ka filluar rreth vitit 1870 dhe ka pësuar rënie të madhe që nga vitet ’70. Pronari aktual i një punëtorie në Gjakovë nuk ka trashëgimtar që do të vazhdojë zanatin, duke rrezikuar mbylljen e punëtorisë dhe shuarjen e zejes, ndërkohë që mungojnë edhe kurset për mësimin dhe trashëgiminë e saj.