Me ardhjen e pranverës, shumë persona përballen me simptoma të pakëndshme të alergjive sezonale dhe shpesh kërkojnë mënyra natyrale për t’i lehtësuar ato. Një nga besimet më të përhapura është se mjalti mund të zbusë këto simptoma, pasi përmban polen. Megjithatë, alergologu dr. David Bernstein sqaron se ky është një mit, pasi poleni në mjaltë nuk është i njëjtë me polenin që qarkullon në ajër dhe shkakton alergjitë pranverore. Për trajtim efektiv, ekspertët rekomandojnë konsultën me mjekun dhe imunoterapinë, e cila ka ndihmuar rreth 80% të pacientëve të trajtuar.