Një studim i madh i realizuar në Korenë e Jugut ka zbuluar se aktiviteti fizik në moshën mbi 60 vjeç ndikon ndjeshëm në uljen e rrezikut për sulm në zemër dhe goditje në tru. Njerëzit që filluan të ushtrohen tre ose katër herë në javë reduktuan rrezikun e tyre për probleme kardiovaskulare deri në 11 përqind, edhe me një orë vrapim në javë, më pak se rekomandimet standarde. Megjithatë, ata që ndaluan aktivitetin fizik pas ushtrimeve të shpeshta përjetuan një rritje prej 27 për qind të rrezikut. Studiuesit theksojnë rëndësinë e aktivitetit të vazhdueshëm, madje edhe për personat me sëmundje kronike, duke nxitur mjekët të përshkruajnë lëvizjen si mjet parandalues për shëndetin e zemrës në moshën e tretë.