Ana dhe Kevin kanë zgjedhur bregdetin e jugut të Shqipërisë, në Radhimë të Vlorës, për të kaluar disa ditë relaksi para një ndryshimi të madh në jetën e tyre. Ata kanë ndarë me ndjekësit momente të qeta nga pushimet, duke publikuar pamje nga deti dhe natyra, por një postim i Kevinit tërhoqi veçanërisht vëmendjen. Në një fotografi të publikuar në Instagram, Kevin e përshkroi këtë periudhë si “pushimet e fundit verore para se jeta të fillojë me të vërtetë”, duke aluduar në pritjen e ëmbël të Anës për ardhjen e bebit. Këto ditë janë të fundit që çifti i njohur i kalon vetëm si çift, para se të përjetojnë rolin e prindërve për herë të parë.