Bebe Rexha ishte e ftuar në emisionin amerikan Delish Snacks, ku ndau detaje interesante rreth ushqimeve të preferuara dhe traditave shqiptare të mikpritjes. Ajo theksoi se, edhe pse është rritur në New York, është rritur në një atmosferë të fortë kulturore shqiptare, veçanërisht në mënyrën se si priten mysafirët në shtëpi. Bebe tregoi se mikpritja nis me çokollata të vogla, vazhdon me lëngje frutash dhe pije të gazuara, dhe më pas shërbehen ushqime të kripura si çipsa dhe kikirikë për të krijuar një atmosferë të ngrohtë. Momenti më humoristik ishte kur ajo zbuloi se servimi i frutave në fund të vizitës është një sinjal i heshtur për mysafirët që duhet të çohen, duke shkaktuar të qeshura në studio. Gjithashtu, artistja promovoi albumin e saj të ri “Dirty Blonde”, që do të publikohet më 12 qershor, duke treguar krenarinë për origjinën dhe traditat shqiptare.