Një studim i fundit i publikuar në revistën “Appetite” tregon se konsumimi i çokollatës përmirëson funksionin e trurit, duke rritur kujtesën afatshkurtër, të menduarit abstrakt dhe vëmendjen. Krahasuar me ata që konsumojnë çokollatë rrallë ose aspak, personat që e hanë të paktën një herë në javë treguan rezultate më të mira në testet kognitive dhe ishin më pak të prekur nga tensioni i lartë i gjakut dhe diabeti. Megjithatë, këta konsumues kishin nivele më të larta të kolesterolit, përfshirë atë me densitet të ulët lipoprotein, që është i dëmshëm për shëndetin kardiovaskular. Studiuesit paralajmërojnë se ndarja e pjesëmarrësve në dy grupe të kundërta mund të mos reflektojë plotësisht efektet e konsumit të çokollatës në sasi të ndryshme, duke lënë vend për kërkime të mëtejshme.