Ethet në trup mund të shfaqen në momente të papritura dhe nuk shoqërohen gjithmonë me temperaturë të lartë. Ato mund të jenë pasojë e faktorëve të ndryshëm si ekspozimi ndaj të ftohtit, aktiviteti fizik intensiv në ambiente të ftohta, apo sëmundje të ndryshme si hipotiroidizmi dhe anemia. Hipotiroidizmi shkakton ndjeshmëri të lartë ndaj të ftohtit dhe shoqërohet me simptoma të tjera si shtim në peshë dhe plogështi, ndërsa anemia prek më shumë gratë dhe manifestohet me ethe dhe ndjesi të vazhdueshme të ftohtit. Nëse ethet shfaqen në kushtet e të ftohtit normal, nuk është e nevojshme të konsultoheni me mjekun, por nëse ndjeni ftohtë edhe në temperatura të larta apo kur jeni veshur trashë, duhet të kërkoni ndihmë mjekësore për të zbuluar ndonjë problem të fshehur.