Christian Bale ka hapur në Palmdale të Kalifornisë qendrën “Together California”, një komunitet i dedikuar për fëmijët që ndodhen në sistemin e kujdestarisë. Qëllimi kryesor i kësaj qendre është që vëllezërit dhe motrat të qëndrojnë së bashku, duke ofruar një ambient familjar dhe të ngrohtë, gjë që shpesh mungon në sistemin e kujdestarisë. Kompleksi përfshin 12 shtëpi të mobiluara dhe dy studio për të rinjtë që po kalojnë drejt jetesës së pavarur, duke u dhënë atyre një mundësi reale për një fillim të ri. Christian Bale, i motivuar nga përvoja e tij si prind, thekson se projekti synon të shndërrojë dhimbjen në shpresë dhe dashuri, ndërsa qendra pritet të nisë punën që në muajin e ardhshëm.