Në Pejë u zhvillua aktiviteti “Çikat n’Motor – Pejë”, një iniciativë që promovon barazinë gjinore dhe sfidon stereotipet tradicionale për motoçiklizmin. Organizuar nga Zyra për Barazi Gjinore e Komunës së Pejës në bashkëpunim me Klubin e Motoçiklizmit “Çikat” dhe Auto Shkollën “Flakroni”, aktiviteti ofroi mundësi për vajzat dhe gratë të mësojnë bazat e ngasjes së motoçikletave në një ambient të sigurt dhe motivues. Me një xhiro simbolike nëpër qytet, pjesëmarrëset dhe komuniteti motoçiklist përçuan mesazhin e fuqishëm për më shumë barazi dhe përfshirje në këtë fushë tradicionalisht të dominuar nga burrat. Kjo nismë u shndërrua në një shembull frymëzimi që thyen barriera dhe fuqizon gratë në të gjitha aspektet e jetës.