Mungesa e vitaminës D, e cila merret kryesisht nga rrezet e diellit dhe disa ushqime si qumështi, drithërat, vezët dhe vaji i peshkut, shfaqet më shpesh gjatë dimrit kur ka pak diell. Simptoma e parë që tregon mungesën e kësaj vitamine është dhembja në nyja, kërdhokulla dhe gjunjë, e cila ngjan me artritin, por mungesa e vitaminës D mund të shkaktojë edhe osteoporozë. Vitamina D është e rëndësishme për forcimin e imunitetit, shëndetin e eshtrave, ndërtimin e muskujve dhe luftën kundër inflamacionit në trup. Përveç dhembjeve të nyjave, mungesa e vitaminës D mund të shoqërohet me infeksione, probleme të traktit gastrointestinal, humor depresiv dhe eshtra të brishta, ndaj është e rëndësishme të kërkohet ndihmë mjekësore dhe të rritet ekspozimi ndaj diellit dhe konsumimi i ushqimeve të pasura me këtë vitaminë.