Kylie Jenner ka prezantuar në rrjetet sociale një nga veshjet më të reja të koleksionit veror të markës së saj KHY, duke tërhequr menjëherë vëmendjen e fansave. Fustani i zi, i shkurtër dhe me dekolte të thellë, thekson linjat trupore të 28-vjeçares dhe përfaqëson stilin e saj karakteristik, ndërsa çmimi i tij është rreth 280 dollarë. Kylie e ka përshkruar këtë veshje si “fustanin e saj të preferuar të verës”, duke e kompletuar me sandale me taka të larta dhe vathë argjendi në formë unaze. Postimi ka shkaktuar shumë reagime dhe diskutime në rrjetet sociale, ndërsa marka KHY vazhdon të zgjerojë ofertën e saj me koleksione që synojnë të bashkojnë elegancën me trendet moderne dhe stilin personal të Jenner.