Emily Ratajkowski ka ndarë në Instagram disa fotografi nga pushimet e saj verore, ku shfaqet në plazh dhe në jaht, duke shijuar kohën edhe me djalin e saj pesëvjeçar, Sylvester. Një nga momentet që ka tërhequr vëmendjen është fotografia ku ajo shkëmben një puthje me regjisorin francez Romain Gavras, me të cilin ka një lidhje romantike që nga nëntori i vitit të kaluar. Kjo marrëdhënie është më e gjatë se çdo lidhje tjetër e saj pas divorcit nga producenti Sebastian Bear-McClard në vitin 2022 dhe është bërë publike përmes rrjeteve sociale. Përveç jetës sentimentale, Ratajkowski ka njoftuar edhe publikimin e librit të saj të ri “Mother F*cker”, i cili trajton përvojat e saj si nënë beqare dhe jetën në New York.